ក្រចេះ៖ អគ្គនាយកដ្ឋានពន្ធនាគារប្រកាសតាមចាប់ខ្លួនជនត្រូវចោទចំនួន ៣នាក់ ដែលបានលួចរត់ចេញពីពន្ធនាគារខេត្តក្រចេះ កាលពីវេលាម៉ោង១១និង២២នាទី យប់ថ្ងៃទី១៥ ខែវិច្ឆិកា ឆ្នាំ២០២២។

ជនត្រូវចោទដែលរលួចរត់ទាំង ៣នាក់នោះរួមមាន ញិហ៍ តុលា អាយុ ៣២ឆ្នាំ ឈ្មោះ ជឿន ស អាយុ ៣៥ឆ្នាំ និងឈ្មោះ ពេជ្រ ប្រិមប្រិយ៍ អាយុ ២៣ឆ្នាំ។

យោងតាមការចុះផ្សាយរបស់ទូរទស្សន៍ជាតិកម្ពុជា អ្នកទាំងបីបានលួចរត់ពេលដែលកំពុងដាក់ធ្វើចត្តាឡីស័កនៅក្នុងពន្ធនាគារខេត្ត និងប្រកាសផ្ដល់សគុណជូនប្រជាពលរដ្ឋដែលបានប្រទះឃើញជនជាប់ឃុំដែលមានភិនភាគដូចរូបថតផងដែរ។

ពលរដ្ឋបានឃើញជនត្រូវចោទទាំង៣នាក់នេះអាចទំនាក់ទំនងទៅកាន់ នាយកដ្ឋានសន្ដិសុខពន្ធនាគារ ០៩២ ៥៣០ ៤០៣ នាយកដ្ឋានប្រតិបត្តិពន្ធនាគារ ០១៧ ២៨៣ ៦៣៦ ពន្ធនាគារខេត្តក្រចេះ ០១២ ៧៧២ ២៨៩ និងស្នងការនគរបាលខេត្តក្រចេះ ០៩៧ ៨៨៨ ៣១៣១៕